സ്കൂളില്‍ ഹൈടെക്ക് സൗകര്യങ്ങള്‍ ലഭ്യമായതോടെ എല്ലാ രംഗത്തും ഐടി സാങ്കേതിക വിദ്യ ഉപയോഗിക്കുന്നതിലൂടെ ഉണ്ടാകുന്ന കാര്യക്ഷമതാ വര്‍ധന വിദ്യാഭ്യാസ രംഗത്തും ഫലപ്രദമാക്കാന്‍ വിദ്യാലയം മുന്നിട്ടിറങ്ങുകയാണ്. പാഠഭാഗങ്ങള്‍ വിനിമയം ചെയ്യുന്നതിന് ഇത് ഉപയോഗിക്കുന്നത് കൂടാതെ വിവിധ ദിനാചരണങ്ങളും അതിന്റെ ഭാഗമായ മത്സരങ്ങളുമൊക്കെ വിവര സാങ്കേതിക വിദ്യയുടെ സഹായത്തോടു കൂടി കാര്യക്ഷമമാക്കുന്ന സംവിധാനം 2017 ജൂണ്‍ 19 ന്റെ വായനദിനത്തോടു കൂടി സ്കൂളില്‍ ആരംഭിക്കുകയാണ്. ക്വിസ് മത്സരങ്ങള്‍ക്ക് ആവശ്യമായ ചോദ്യങ്ങളും ഉത്തരങ്ങളും, പ്രസംഗ മത്സരത്തിനുള്ള വായനാ സാമഗ്രികള്‍, ആലാപനത്തിനുള്ള കവിതകള്‍, പാട്ടുകള്‍, നൃത്തങ്ങള്‍ എന്നിങ്ങനെ വൈവിധ്യമാര്‍ന്ന പാഠാനുബന്ധ പ്രവര്‍ത്തനങ്ങള്‍ക്ക് കുട്ടികള്‍ക്കും ടീച്ചേഴ്സിനും രക്ഷിതാക്കള്‍ക്കും ഈ സംവിധാനം പ്രയോജനപ്പെടും. ഇവയെല്ലാം ബ്ലോഗില്‍ പ്രസിദ്ധീകരിക്കുന്നതു കൂടാതെ ആവശ്യമായവര്‍ക്ക് വാട്ട്സ് ആപ്പ്, ഫേസ്ബുക്ക് തുടങ്ങിയ സോഷ്യല്‍ മീഡിയകളിലൂടെയും എത്തിക്കുക എന്നതും ലക്ഷ്യം വെച്ചു കൊണ്ടാണ് പ്രവര്‍ത്തനങ്ങള്‍ മുന്നേറുന്നത്.
